Қайырлы түн, құрметті сайтқа келушілер!

Алматы облыстық сотының
ресми сайтына қош келдіңіздер

Қазақстанның сот жүйесі соңғы жылдары айтулы өзгерістерді өткерді. Елбасының бастамасымен сот реформасында тәжірибенің озық үлгілері қолданылып, сот жүйесі уақыт озған сайын халықаралық стандарттарға сай жетістіктерге қол жеткізіп келеді. Оның үстіне тәуелсіз саналатын сот жүйесінде ашықтық пен жариялылықтың барынша салтанат құруы – Елбасы саясатының негізгі ұстанымдарының біріне айналды.

Қазір сот жүйесінің алдында тұрған мақсаттардың бірі – осы саясатты жандандыру, сот жұмысын барынша ашық, халыққа қолжетімді ету. Біздің сайт, осы мақсаттарға жету үшін соттардың жариялығын арттыруға, сот билігі абыройын нығайтуға, саладағы атқарылып жатқан жұмыстардың нәтижелері жайлы хабардар етуге бағытталған.

Алматы облыстық соты құқықтық реформаның жалпы мәселелері аясында сот корпусы қызметінің тиімділігін, мөлдірлігін және ашықтығын қамтамасыз ету, азаматтардың сот жүйесіне деген сенімін арттыру бағытында сот пен БАҚ арасында ақпарат алмасудың уақытылы жүзеге асуын қамтамасыз ету шеңберінде өзінің ресми Веб-сайтын ашты.

Бұл сайт, келушілердің игілігіне жарап, облыс соттары мен қоғам арасында диалог орнатып, соттардың қызметі туралы объективті ақпаратпен қамтамасыз етуде тамаша демеу болады деп сенемін!

Құрметпен,
Алматы облыстық сотының
төрағасы Т.Е. Бәрпібаев